1. Da farko dai ita wannan ma duniyar tamu gaba ɗayanta ba ma wani daɗewa tayi da samuwa a cikin sararin Subuhana ba idan muka kwatanta lokacin samuwarta da kuma lokacin samuwar ita ainihin sararin samaniyar gaba dayanta wadda komai ke cikinta. Ita dai sararin samaniyar, ko kuma nace sararin Subuhana, ta kai kusan shekaru biliyan goma sha uku da miliyan ɗari takwas (13.8 billion years) da samuwa, kuma ta samu ne daga babu (nothing) sakamakon wata babbar ƙara/tsawa da ta faru wacce a turance ake kira da suna ‘Big Bang’, kwatankwacin irin ƙarar ‘banger’ ɗin nan da yara ke bugawa a lokutan bukukuwan sallah da na Kirsimeti, a waɗannan shekarun da na ambata, sannan kuma sai kuma sararin samaniyar taci gaba da faɗaɗa. Ana sa ran cewar nan gaba zata kai ƙololuwar faɗinta sannan kuma sai ta koma ta fara tsukewa har sai ta koma Asalinta na babu, wanda kuma a turance ana kiran hakan da ‘Big Crunch’. A ɓangare ɗaya kuma, ita kuma duniyar nan tamu ta Earth (أرض) a yanzu ta kai shekaru biliyan huɗu da miliyan ɗari biyar da arba’in da uku (4.543 billion years) da samuwa, wanda babu laifi idan muka kirasu da ‘yan kadan. Kuma wani abu da zai bayar da sha’awa ciki lamarin Ubangiji Maigirma shine, ita wannan duniyar da ma sauran duniyoyin (Planets – كواكب) da ke kewaye da rana, ko kuma nace dake cikin anguwar rana (Solar System), duka sun samu ne daga tarkacen da suka rage (Leftover) na daga samuwar ita ranar (Sun – سمش), kuma duka gabakin ɗaya duniyoyin tara ma da muke gani tare da watannin (Satellites) wasu daga cikinsu duka sun samu ne cikin shekaru miliyan ɗari (100 million years) kacal bayan samuwar ita ranar wacce ita kuma ta kasance ɗaya daga cikin taurari (stars – نجوم) ce dake tsugunne a unguwar taurari (Galaxy) mai suna Milkyway ne. Duniyar Mars ita ce mafi kusa da rana, sanan sai Duniyar Venus wacce abokiyar tagwaitakar duniyarmu ta Earth saboda kamanceceniyar da suke da ita. sai dai kuma ita wannan duniya ta Venus duk da cewa ba ita ce ke maqwabtaka da rana ba, amm kuma tafi dukkan sauran duniyoyin dake wannan anguwa mai suna Solar System zafi. Duniyarmu ta Earth ita ce ta ukku a nisa, kuma tazarar ya kai Kilometer Miliyan Dari da Hamsin (150 Million Kilometers), sannan kuma sai ka sami kwatankwacin duniyoyi kamar Earth guda Miliyan Daya da Dubu Dari Ukku (1.3.Millions) ka curesu waje guda sanannan sazu kai kwatankwacin Rana, ita ma baat cikin manyan taurari dake anguwarsu ta Milkyway Galaxy.

2. A cikin kowanne Galaxy akwai biliyoyin taurari marasa adadi, manyansu da ƙananunsu, wadda Ita kanta tauraruwar mu, wato rana (Sun – شمس) idan ka ɗauke ta ka jefata kan wata tauraruwar, to misalin yin hakan bai wuce ace ka ɗauki hancin bironka ka jefosa cikin duniyarmu daga wajenta ba. Kuma har ila yau, tazarar ranarmu da tauraruwa mafi kusa da ita wacce ake kira da suna ‘Proxima Centauri’ ya kai nisan Kilometer tiriliyon Arba’in (40 Trillion Kilometers). Kuma su kansu galaxies ɗin suna wanzuwa ne a rukuni-rukuni da ake kira da suna Clusters a cikin sararin samaniyar (Universe), wanda su ma clusters din Allah he kadai ya san adadinsu. Kuma Galaxy mafi kusa da namu, wato ‘Milkyway Galaxy’, sunansa ‘Andromeda Galaxy’, wanda shi kuma nisansa daga nan inda muke ya kai tafiyar haske ta sama da shekaru Miliyan Biyu da Rabi (2.54 million light-years). Abin nufi anan shine duk sa’adda ka kallo wannan Galaxy ta Andromeda, hasken da ka gani ba haskene na abinda ke faruwa a daidai wannan lokacin ba, bal haskene wanda yayo tafiyar shekaru sama da miliyan biyu da rabi duk da cewa ya zuwa yanzu babu wani abu da masan kimiyya suka bankado wanda ya kai haske hanzari (duk cikin second guda haske kan yi tafiyar kusan Kilometer 300,000), tabbas hakan isharace dake nuni da tsabagen fadin sarararin samaniya.

3. Su kuma daidaikun taurari sun kasance wasu na mutuwa ne wasu kuma na samuwa. Kai in taƙaice maku zance ma, acikin taurarin da muke gani da idan mun ɗaga kanmu sama da dare kullum, akwai waɗanda tuni sun mace sun rigayemu gidan gaskiya, haskensu da ya baro su ya taho garemu bai iso mana ba tun suna raye ba sai bayan sun mace da daɗewa saboda tsabagen tsantsar nisan da ke tsakaninsu da mu, da kuma matuƙar fadin da sararin samaniyar take dashi. A halin yanzu ma maganar da ake yi itace ita kanta sama (universe) ɗin ba guda ɗaya bace. Kai ana ma sa ran ko a nan sararin da muke wanzuwa ma akwai wasu sammai ɗin marasa adadi suma a cikinsa amma sai dai kowaccensu tana wanzuwa ne a ‘dimension’ na daban da namu, da kuma ɗabi’a da dokoki daban su ma da namu. Kuma ana ma sa rai cewa duk abinda ya faɗa cikin ‘Black Hole’ to mai yiwuwa cikin wata sararin samaniyar (universe) din yake faɗawa.

4. Shi kuma wannan wata (Moon) namu da muke ƙidaya da lissafin shekaru da shi (Lunar Callender) yana daga cikin jerin tsararrun shirgin da ake kira da turanci ‘Satellites’ da ke cikin sararin samaniya suna zagaya duniyoyin su, kuma tsakaninsa da duniya tafiyar 384,400 kilometers ne, kuma yakan dauki kwanki Ashirin da bakwai da ‘yan awanni (27 days+) kafin ya kammala dawafinsa ga duniya. A farkon samuwarsa, wata ya kasance yana da ɗan’uwa, ma’ana su biyu ne suka samu, sai dai ɗaya ya kasance babban ɗaya kuma ƙarami. Kuma su duka sun samu ne sakamakon ɓantarewa da duniya tayi a sabili da taho-mu-gama (collision) da aka samu tsakanin duniyarmu a lokacin bata ma gama haɗuwa ba da kuma wani murgujejen dutse wanda girmansa ya kai kwatankwacin girman duniyar ‘Mars’, wanda aka kira da suna ‘Theia’, wanda shima yana ɗaya daga cikin tarkacen da suka rage (leftover) na daga samuwar rana. Sai dai kuma duk a cikin shekaru miliyan ɗarin nan na farko bayan samuwar rana, su waɗannan tagwayen watannin namu guda biyu dake zagaya duniyarmu cikin tsananin hanzari, su ma sun yi karon gaba-da-gaba da juna, shi dai babban ya tsira, amma shi ƙaramin ya tarwatse ya zama wata irin ƙura da ta ci gaba da wanzuwa kewaye da babban, sannan daga bisani an ɗauki lokaci mai tsawo ana luguden duwatsu (Meteorites and Asteroids) ba ƙaƙƙautawa akan shi babban watan da ya tsira (kasancewar babu iska aduniyar wata, har yanzu miki-miki da suka samu daga wanna luguden duwatsu na nan kamar yadda suke tun wancan lokacin ba tare da qura ta rufesu ba). Hakan tasa duk wanda ya sauka akan doron wata, ɗaya daga abinda yake fara yin kaciɓis dashi bai wuce tarin ‘Craters’ marasa adadi ba wanda sun samu sakamakon tarin raunin da ya samu daga luguden duwatsu, duk da dai shi watan ya samu ya mulmular da kansa izuwa mumulallen farin wata da muke gani a yanzu. Mu kuma a nan duniya ana sa rai watan ya bantare ne daga daidai inda tekun nan mafi girma da zurfi take wanzuwa a halin yanzu, wato tekun Pacific.

5. Yanzu kuma sai maganar samuwar ruwa da halittu masu rai a banƙasa kafin mu zo ga samuwarmu mu kanmu jinsin bil’adama. Ko shakka babu sai da ruwa ya samu sannan rai ta biyo baya. Sannan yazuwa yanzu bayanan da ake dasu sun nuna cewa rai ta farko a cikin wannan duniyar tamu ta kasance wata nau’in Bacteria ce da ake kira da suna CYANOBACTERIA.

6. Yana da matuqar muhimmanci musani sani cewa su wadannan sinadaran (Elements) guda dari da goma sha takwas (118) da muke karantawa a cikin Periodic Table a nazarin Chemistry, su ne Raw-Material din da ubangiji ya samarwa kansa, sannan kuma daga cikinsu ne yake diba ya halicci duk wani abu samamme a sararin subuhana ko da a yanayi daskararre, ko narkakke ko kuma ma a yanayin iska. kuma duk sa’adda ka dauki daya ka lalata, to baka lalata sinadaran ba, kawai dai sun sauya ne daga wani  yanayi zuwa wani. Misali: idan ka dauki qanqara sanyata a cikin tukunya ka aza a bisa wuta, to zata sauya daga yanayin daskararen abu (Solid) zuwa zuwa yanayin narkakken abu (liquid), idan kaci gaba da banka wutar, to ruwan zai tafasa yabi iska, kaga kenan ya qara sauyawa daga yanayin narkakken abun zuwa yanayin iska/tiriri. Duk wani samammen abu kuma a kowanne yanayi, sunansa ‘Matter’.

7. Da Ubangiji ya tashi samar da rai. ciki har da dan’Adam, sai ya zabo sinadaran oxygen, carbon, hydrogen, nitrogen, calcium, and phosphorus, potassium, sulfur, sodium, chlorine, da kuma magnesium, ya curesu yai amfani dasu wajen samar da nau’i-nau’i na rayayyun halittu. Kasancewar su wandannan sinarai na daga cikin sinadaran da dasu Allah ya samar da qasa, to duk sa’adda mai-rai ya rasu, sai sinadaran jikinsa su sauya zuwa yanayin da suke a cikin qasa, shine sai mu muce ai sun zama qasa. abin nuni da anan shine ‘matter’ din dai na nan, kawai dai ta sauya yanayi ne. Shi dai Ubangiji ya samar da qasa da wasu daga wadannan sinadaran da muke ta magana akansu, kuma a kimiyyance an kasasu gida hudu (4 Components) kamar haka: Inorganic, Organic, Ruwa da kuma Iska.

Kash! A gafarce ni, amma zan ci gaba.

Facebook Comments

1 Comment

Leave a comment

Copyright (c) 2020 danbuzu.com

Minimum 4 characters